Laufabrauðsgerð

Var á heimilinu í gær. Mér varð svo hugsað til þeirra gömlu góðu daga þegar öll fjölskyldan og Gunna og Adam hittust hjá ömmu Huldu og afa Helga á Melteig 7 til að gera laufabrauð. Munið þið eftir þessu???

Amk sagði ég í gær að amma Hulda hefði verið stolt af mér hefði hún vitað af því hvað ég var dugleg að fletja út í gær. Það er ekki auðvelt, að fletja út þannig að kökurnar verið nógu þunnar. Við Inga Björk vorum í akkorði, hún kom með báða strákana og var í að skera út og hugsa um þá. Þeir voru góðir í eldhúsinu að leika sér á bílateppinu með bíla og legó. Við vorum í þrjá og hálfan tíma, seinasta hálftímann kom svo Alex, Nína og ég að skera út líka þá skot gekk þetta. Mér finnst þær æðislegar. Inga Björk sagði að þetta væru fyrstu jólin hennar sem hún væri með "heilar" laufabrauðskökur með hangikjötinu.

Við vorum með uppskrift fyrir 60 kökur en ég náði 63 og fullt af rest sem ég svo steikti. Frábær árangur ekki satt. Svo þunnar að hægt er að lesa úr biblíunni í gegnum þær, sá ég að væri æskilegt, eða var æskilegt í gamla daga..... Þannig að þið getið rétt ímyndað ykkur hvað þær eru þunnar og stökkar, alveg yndislegar. Vonandi næ ég að halda nokkrum þar til við borðum hangikjötið..... Nína er alveg sjúk í þetta og ég líka. Alex borðar þær af góðri lyst en þegar ég hótaði honum að hann fengi enga ef hann hjálpaði ekki þá sagði hann:,, Allt í lagi". Er þetta ekki svekkjandi???

Setti inn myndir frá leikritinu sem Nína tók þátt í og samtíning og auðvitað af kökunum, góða skemmtun og ekki láta munnvatnið leka á lyklaborðið!!!

Gleymdi alveg að segja að í dag var síðasti vinnudagurinn minn, húrrahh, húrrahh, húrrahhh.....

Já og að Alex var að kaupa sér nýtt keppnishjóla, Stevens, svakalega flott og hraðskreytt, það er öruggt að maður á ekki eftir að sjá hann þegar hann er á flugi á hjólinu, bara svona hvítt og rautt strik fara framhjá sér!!!!