Jóla hvað

Jæja nú er aldeilis orðið jólalegt. Auðvitað ekki eins og heima með öllum útiljósunum og því. En samt, nokkur hús með seríur í gluggunum hjá sér og svona. Frétti af því hjá vinkonu minni að það hefði verið umfjöllun í sjónvarpinu um mestu skreytinguna í öllu Þýskalandi eða eitthvað álíka en það var svo mikil birta sem kom af öllu skrautinu, fígúrur í garðinum, ljósasería á húsinu og svo fram eftir götunum að hann slökkti á heila klabbinu kl.22. Nágrannarnir voru svo fegnir því, þeim fannst þetta of mikil birta svona á kvöldin og nóttunni. En þessi náungi sagði að rafmagnsnotkunin væri sú sama bara fyrir desember eins og að vera með frystikistu í gangi allt árið!!! Mér varð nú bara hugsað til þeirra miklu ljósa oft á Íslenskum húsum. Ekki get ég ímyndað mér að nokkur hugsi þar um aukna rafmagnsnotkun útaf jólaljósum, hvað haldið þið?

Í dag byrjar jólamarkaðurinn í bænum okkar, hann er bara frá fimmtudegi fram á sunnudag, mjög lítill og nettur en samt gaman að ganga hann og skoða allt sem er til boða í litlu tréhúsunum sem búið er að stilla upp. Þar er hægt að kaupa jólaglögg, punsch, bratwurst, franskar, alls kyns föndur vörur, allt frá smíðuðum hlutum, keramik, sultum og niður í smákökur, eða jólakex eins og Nína segir. Kannski finnur maður þar eina eða aðra jólagjöf, það væri nú gaman. Mér finnst alltaf svo gaman að gefa föndurhluti, kannski finnst fólki ekki gaman að fá það en þá getur það bara gefið mér það til baka, híhí....

Jæja ég bið ykkur vel að lifa og skemmtið ykkur vel á jólatímanum