Fæðing nálgast og hitinn helst....

Hæ hæ, eins gott að láta vita af sér, það er yndislegt hvað fólk er farið að hringja og senda sms hvort það sé nokkuð að missa af einhverju. Nei það er enginn að missa af neinu, amk ekki enn sem komið er. Takk fyrir að hugsa til mín dúllurnar ykkar. Ég reyni að vera dugleg að gera eitthvað á hverjum degi, skúra gólfin, ryksuga, þrífa eitthvað sem sjaldan er þrifið, fara í útisund, hjóla, fara í verslunarleiðangur á hjólinu o.s.frv. En það dugar ekkert til.... ég er í besta falli alveg búin á kvöldin, með verki í lærunum, en ekki í maganum og kannski pínku sting í neðanverðum maga sem fer nánast eins fljótt og hann kom.... Hreyfingar eru hins vegar orðnar svo kröftugar og það liggur við að maður sjái móta fyrir táslum í gegnum magann þegar verið er að sparka og þá held ég oft að ég sé að fá verki, en það eru sennilega bara rifbeinin sem eru að láta vita að þau séu líka til staðar.... Ljósmóðirin mín sagði að kúlan væri enn of hástæð og ég ætti að vera þolinmóð... Ég verð að segja að lundin er ekki alveg upp á sitt besta þessa dagana en það eru pottþétt ekki meira en tvær vikur eftir af meðgöngunni ef við reiknum þá tíu daga með sem maður er látin fara framyfir hér í Germaníu... þannig að maður gerir nú sitt besta með að halda skapinu í skefjum.

Eitt er víst, í næstu óléttum, ef þær verða einhverjar (sem væri frábært!!!) verð ég ekki hér í hitanum á lokasprettinum..... En ég verð að segja að eftir að ég ákvað að flytja niður í gestaherbergi útaf næturhita í svefnherberginu okkar þá er bara búið að vera sæmilega kalt á nóttunni í svefnherberginu þannig að ég er ekki ennþá flutt. Þannig að þá hef ég sofið betur og ekki svitnað svona og það skiptir miklu máli. En ég fer niður ef það er of heitt hér uppi það er alveg ákveðið....

Þetta eru vandamál sem maður hefur, alveg merkilegt ekki satt. Búið að vera svona yndislegt veður hjá okkur bara í fleiri, fleiri vikur og svo gerist maður svo grófur og er að kvarta, ég ætti nú að skammast mín!!! En ég sendi ykkur nokkrar gráður á hverjum degi til Íslands, vona bara að þær komi til skila!!!

Já og frétt dagsins, Klinsmann er búinn að segja upp starfi sínu sem landsliðsþjálfari og aðstoðarmaður hans hefur tekið starfið af sér. Allir eru svo sorgmæddir yfir þessu en Klínsí segist bara þurfa að hlaða batteríin, hann sé alveg búinn, frábært að svona "máttugir" menn segi svona, ekki bara hjúkkur og fólk í kvennastörfum sem fá burn out syndrom.....