Sigurvíma

Þetta var nú með ólíkindum að fylgjast með leiknum Þýskaland- Argentína í gær. Við hoppuðum og sveifluðumst í tilfinningaskalanum frá ofurgleði í ofursorg. Stressið var meira fyrir Alex sem dæmi má nefna að púlsinn fór upp úr öllu valdi og svitablettir mynduðust á stuttermabolnum í holhöndum hans. Alveg gífurleg spenna var svo í vítaspyrnukeppninni og markmaður Þýskalands Jens Lehmann hann hefur varla trúað þessu sjálfur því strax og ljóst var að Þjóðverjar höfðu unnið leikinn í vítaspyrnukeppninni þá fór Lehmann beint í búningsklefann. Eftir dágóða stund náðu þeir svo tali af honum og hann átti erfitt með að koma upp heilli setningu karlgreiið.

Leikurinn byrjaði ekki vel að mínu mati og einkenndist frekar af brotum og leikaraskap við að detta og þykjast meiða sig en að spila flottann fótbolta og það er eitthvað sem ekkert lið á að vera stolt af. Þjóðverjar og Argentínumenn voru mjög stressaðir í byrjun leiks, eðlilega, hver væri það ekki og það sást í spili þeirra. Ég er nú ekki að reyna að vera fótboltasérfræðingur hérna, ég viðurkenni líka að ég horfi bara á fótbolta í svona keppnum. Annars hef ég lítið rými fyrir hann....