Heilalínurit í fínu lagi

Já þá er hún útskrifuð sem læknuð af flogaveikinni. Við fórum í heilalínurit í dag og það gekk svona vel að hún þarf ekki að koma aftur. Nína greindist með störuflog þegar hún var fimm ára og þurfti að fara á lyf til að ráða við það. En hún hætti á lyfjunum í jan í fyrra og það hefur ekki neitt komið upp á síðan þá. Glæsilegt ekki satt.

Við gerðum okkur glaðan dag og skruppum til Munster og fórum í verslunarleiðangur, ég fór í H&M og verslaði óléttuboli. Með Nínu alveg á tauginni, það er ekki það skemmtilegasta sem hún gerir að fara í verslunarleiðangur... Það bætti nú smá upp að fara á McD að borða á eftir.