Mamma á afmæli í dag

Hún mamma mín, Sigríður Kristín Óladóttir, fædd og uppalin á Akranesi þann 22.3.51 er 55 ára í dag. Ég óska þér innilega til hamingju með daginn elsku mamma og vona að þessi dagur, sem og aðrir dagar eigi eftir að verða ánægjulegir í faðmi fjölskyldu, vina, nemenda, samstarfsfólks og góðkunningja. Vona að guð og gæfan eigi eftir að fylgja þér á þinni lífsbraut og að þér takist það sem þú tekur þér fyrir hendur. Að þú haldir þinni jákvæðu lund og haldir áfram að vera svona þakklát fyrir það sem þú hefur og þér er veitt í lífinu.
Þú hefur upplifað margt misgott en alltaf staðið uppi sem sigurvegari. Mamma vertu þú sjálf og það verður gaman að fylgja þér um ókomin ár.
Þú ætlar að vera með smá veislu á laugardaginn, það er verst að ég kemst ekki. Það á eftir að verða rosa flott hjá þér og svakalegt stuð eins og vanalega þegar fjölskyldan hittist á góðri stund. Góða skemmtun.
Elsku mamma óska þér til hamingju með áfangann og takk fyrir allt.
Smá myndaröð af afmælisbarninu fylgir.....