Spagetti Bolognese

Nína sá um kvöldmatinn í kvöld. Við foreldrarnir vorum í seinna lagi að mæta heim í kvöldmatinn og ég var búin að biðja Nínu um að sjá um hakk og spagetti. Hún sagði að það væri nú lítið mál, sósan pakkasósa með leiðbeiningum aftaná. Hún lauk þessu verkefni með prýði og bragðaðist maturinn ljómandi vel hjá henni. Hún á eftir að verða góð í matreiðslu þegar að því kemur. Enda ekki langt að sækja, til mín vissulega.... mamma ekki verða sár.... ég á þetta til þín að sækja! Smá grín. Nei en það er ekki alltaf þannig að börnum þyki það skemmtilegt sem foreldrunum þykir skemmtilegt. Nínu finnst gaman að vera í eldhúsinu og að bagsa eitthvað þar, baka vöflur, ömmusnúða (ekki gersnúða heldur lyftiduftssnúða), elda og vesenast. Gaman að þessu....

Við förum á morgun til tengdó og verðum yfir helgina. Það verður gaman, vonandi snjóar ekki mikið á leiðinni, það er með eindæmum leiðinlegt að keyra á hraðbrautinni þegar það snjóar. Við verðum í sambandi, óska ykkur góðrar helgar, ykkar Helga