Lífið komið í fastar skorður

Eða svona hérumbil, hann Balthasar veldur truflun á nætursvefni en sú truflun er velkomin svo lengi sem þessi dúlla vill koma á brjóst hjá mömmu vegna svengdar. Einu sinni vaknaði hann til að æla og sofnaði svo aftur og svaf í fjóra tíma, skrítin þessi börn stundum.

Nína er kærkomin nágranni í rúminu þessa dagana þar sem Alex er ekki heima. Hann er að setja upp sýningu í Frankfurt og verður í 8 daga í burtu. Við erum nú svo góð saman hér heima að við björgum okkur. Nína og Balthasar bíða spennt eftir því að pabbi komin heim til að geta farið saman í sund aftur. Ég bíð auðvitað líka spennt eftir að fá minn heittelskaða eiginmann heim eftir fjarveruna. Maður er alveg orðinn svakalega óvanur því að hann sé ekki heima þar sem hann hefur verið svo mikið heima síðan Balthasar fæddist, en það eru komnar átta vikur eftir tvo daga, hugsa sér. Bráðum er svo tveggja mánaða afmæli Balthasar, spurning hvort maður haldi ekki bara stórveislu, nei smá grín hérna. Ég er samt góð í að finna tækifæri til að baka köku þessa dagana, spurning hvort maður baki ekki köku af tilefninu.