Sumarblóm

Fór í blómaverslun í dag og keypti nokkrar sumarplöntur til að hafa hér úti í garðskotinu okkar. Alltaf jafn gaman þegar litir koma í garðinn með rauðum, gulum og grænum plöntum. Mér finnst það nauðsynlegt til að skapa sumarstemmingu að hafa sumarblóm. Heima er mest bara stjúpur eða hvað það heitir og þau eru mjög líflaus blóm miðað við margt annað sem blómstrar aftur og aftur og er í aðeins meiri hæð frá jörðu.

Ég býð ykkur öllum upp á myndir af garðhorninu mínu þegar það er allt komið á sinn stað.

Garður, verönd eða svalir eru staðir sumarsins. Það sem er yndislegt er að sitja úti og vera í góðra vina hópi og kjafta og hlægja af lífinu og öllum hliðum þess. ÉG óska ykkur öllum skemmtilegra stunda undir berum himni í sumar.