Lífspróf

Það er svo furðulegt þetta líf, það setur mér stundum svona lífspróf. Eitthvað sem ég þarf að gera, en er ekki vel við að gera, þá er ég að meina eitthvað sem maður virkilega þolir ekki, finnst ógeðslegt... eitthvað sem er ekki að þrífa glugga, eða gera eitthvað sem er bara pínu leiðinlegt en sem maður neyðist líka til að gera.

Svona var í dag.

Alex er ekki heima!

Þá neyðist ég til að gera eitthvað sem ég get ekki beðið hann um að gera :-)

Það sprakk á einu dekkinu af tveimur á hjólinu hennar Nínu!!!! Ég er ólétt í 35.viku!!! Það er ekki það skemmtilegasta sem ég geri að gera við hjól, þannig að nú voru góð ráð dýr. Ég kenndi Nínu að gera við hjól (kann það varla sjálf, en gekk mjög vel að kenna henni það og hún lagaði hjólið sitt sjálf). Hún fór meira segja í prufuhjólreiðatúr núna í kvöld til að athuga hvort það hefði gengið. Og viti menn, allt í lagi með hjólið. Í fyrstu ætluðum við ekki að finna gatið, ég sagði henni að hringja í pabba sinn til að segja henni raunir okkar (kannski mundi hann koma heim í næsta flugi til að laga hjólið). En hún reddaði þessu flott stelpan, komin önnur hugmynd fyrir fjáröflun hjá henni.....

Mál númer tvö sem ég neyddist til að gera í dag var að leggjast flöt á magann bak við klósettið uppi, þeir sem þekkja til geta rétt ímyndað sér hvernig þetta var fyrir mig. Og þrífa undir hlíf sem pípulagningamaðurinn tók í dag því það virðist vera eitthvað ólag á salerninu hjá okkur ÓGEÐSLEGT!!!!!... Ég er að fara fram á mikla samúð frá ykkur lesendur góðir, vonandi áttið þið ykkur á því. Það ógeðslegasta sem ég geri er að þrífa klósett og þetta var verra en það versta!!!

Vissulega hringdi ég í Alex og sagði honum frá raunum okkar Nínu í dag, hann er vitanlega mjög stoltur af konunum sínum og á eftir að launa okkur þetta þegar hann kemur heim!!!!!

Fínt bara segir Nína svo og hlær þegar hún les bloggið, yfir kvörtun mömmu sinnar!!!!!...