Breytingar

Ég er ekki smeyk við breytingar. Breytingar koma með eitthvað nýtt með sér og spennandi og hafa áhrif á hvern og einn. Breytingar eru til að notfæra sér, til að grípa tækifæri og gera eitthvað sem er óvenjulegt og spennandi. Á næstu vikum verða breytingar hjá okkur. Við verðum fjögurra manna fjölskylda. Það er mikil breyting. Það verður svakalega spennandi, við erum búin að óska okkur þetta í mjög langan tíma og loksins er óskin okkar að rætast. Spennan er að magnast og allir eru spenntir með okkur. Nína er líka orðin mjög spennt að fá systkini þrátt fyrir að það eigi eftir að þýða mestu breytinguna fyrir hana.

Nú er tengdamamma búin að vera í heimsókn með manni sínum síðan á sunnudag og það er líka mjög mikil breyting. Það er öðruvísi breyting. Það er ekki alltaf auðvelt af vera með gesti en við erum ánægð að þau komi í heimsókn til okkar og gefi sér tíma fyrir okkur en það fylgir æsingur og smá vesen ef ég má taka svo til orða. Ég ætla ekki að fara nánar í það en það reynir á mann og nú má hver ímynda sér sinn þátt.

Öll erum við sérstök á okkar hátt og það er yndislegt. Hver og einn á að halda sínu merki (eins og stóð á gamla nafnskýrteininu) og vera glaður með sig. Nína er búin að vera í þemaviku í skólanum í tvo daga. Það er búið að vera að kenna bekknum að rífast á sanngjarnan hátt. Það voru allir nemendur teknir fyrir og hver mátti segja það sem hann vildi segja, jákvætt og neikvætt. Nína kom heim fyrri daginn af tveimur og átti erfitt að taka á móti gagnrýninni sem hún fékk í bekknum. Nokkrir strákar hefðu sagt að hún talaði "alltaf" um Ísland. Henni fannst þetta ósanngjarn því stundum segir hún bara eitthvað, eins og í gær var jarðskjálfti á Íslandi og eitthvað svona. Ein vinkona Nínu réttlætti Nínu og sagði að henni fyndist bara gaman að heyra um Ísland! og svona gekk þetta báða dagana þar til allir nemendurnir voru afgreiddir. Kannski allt í lagi að gera svona en sem betur fer bara í þetta eina sinn..... Setti inn myndir, njótið heil...