Fyrsti dagurinn

Hæ hæ, já það var fyrsti skóladagurinn hjá Nínu í nýja skólanum í gær. Gaman gaman, henni líst mjög vel á þetta allt saman og við óskum henni góðs gengis og að það verði gaman hjá henni. Hún er í sex kennslutíma á hverjum degi, 7:55 byrjar skólinn og síðasta kennslustund er til 13:05, hún er svona tuttugu mínútur á hjóli þannig að hún verður komin um hálf tvö til tvö heim alla daga.

Ég var í dag í fyrsta sinn í vinnunni eftir fríið. Ég er þá búin að vera í nákvæmlega þrjár vikur og einn dag frá vinnu. lúxus segi ég nú bara. Sigga vinkona á Íslandi var nú í 5 vikur í fríi sem er líka frábært miðað við það að vera ekki kennari. Ekki að ég sé með neitt gagnvart kennurum. Það er bara yndislegt að vera í fríi. EN nú er það harkan sex, vinna fyrir nýjum bíl, þetta gengur ekki lengur. Maður getur varla látið sjá sig á svona gamalli druslu.