Tískusýning

Haldiði að ég sé ekki að fara á tískusýningu. Já ég af öllum, en það er aldrei of seint að verða tískudrottning. Það er í bílasölu hér í bæ. Drykkir og matur innifalið, númeruð sæti og kostar inn. Svaka prófessjonal, þeir eiga von á hátt í fimm hundruð manns. Við förum fjórar saman úr vinnunni. Nína verður góð að fara að sofa ein því Alex er enn á sýningunni í Frankfurt að taka saman sýningapallana frá bílasýningunni. Já mikið að gera hjá okkur.

Á morgun er æsispennandi dagur hjá okkur fjölskyldunni, þá verður dregið út í lóðarlottóinu í Akranesbæ. Það verður gaman að vita hvort mamma var berdreymin eða eins og Óli sagði, þá fáið þið lóð. En mömmu dreymdi að við hefðum ekki fengið lóð. Ég læt ykkur vita þegar ég veit eitthvað.

Best að fara að huga að matnum, ætlaði að búa til eplamús, fengum svo mikið af eplum úr garðinum. Þau eru of súr til að borða þau en fín í kökur og rétti. Þannig að húsmóðirin er dugleg þessa dagana að baka kökur og búa til eplamús.