Vinna, Danskvöld og skólaferðalag

Það er bara svoooo mikið að gera á heimilinu að það nær ekki nokkri átt.
Lúlli láttu þig dreyma um að ég segi þér hvað það kostaði.

Ég er að vinna tvölfalt enn og aftur þessa helgi, já haldið í ykkur, þessi nýja sem var búið að ráða í staðinn fyrir mig því ég sagði upp. Hún sagði upp á föstudaginn, búin að vera þrjár vikur í vinnu. Það er allt að fara til anskotans hjá karl greiinu. Vonandi áttar hann sig á að vandamálið er hjá fyrirtækinu en ekki hjá þeim sem segja upp!!!!! Mér er svosem sama, já mér er sko alveg sama. Bara leiðinlegt fyrir konuna, hún var eiginlega hrakin úr fyrirtækinu. Ótrúlega leiðinlegt mál. Ég skil ekki hvernig sumir geta haft gróða af því að vera vondir við aðra og gera lítið úr öðrum. Ég meina öll eigum við okkar góðu og slæmu daga og að það sé verið að gera svo lítið úr fólki að það fer að gráta á fundi, nei óskiljanlegt í mínum augum.

Í gærkvöldi, eftir vinnu fórum við ektamaður minn á samkvæmisdansiball. Já erum við ekki krútt. Nei við höldum ekki að við séum aðnálgast 60 aldurinn, þetta er bara ótrúlega gaman og holl hreyfing. Við dönsuðum nánast stanslaust frá 20-22:30 og var maður vel þreyttur þegar maður kom heim. Við erum í byrjendahóp í dansskóla og hittum í gær kunningja úr hópnum. Við erum að spá í að fara á áframhaldandi námskeið.... Erum við nokkuð skrýtin? Við höfum bara gaman af þessu. Vandamálið er bara það að maður hefur svo sjaldan tækifæri til að dansa þessa dansa.

Í næstu viku er Nína að fara í skólaferðalag með fjölbrautaskólanum, það fara bara tveir bekkir af fjórum saman og það verður gist í tvær nætur. Í dag þurfum við að taka það til sem á að fara með, sængurföt, hlífðarföt og svona, já pringles fer líka en það má ekki fara með kasettutæki, diskman, walkman, gsm eða tölvuspil, ótrúlega strangt. Nína er nú frekar róleg yfir þessu og er núna í sundi með Carla vinkonu sinni.