Sól og kuldi

Alvöru kuldaboli er í heimsókn hjá okkur núna. Í dag eru bara búnar að vera mínus tölur á hitamælinum. En sól og rosalega fallegt gluggaveður. Ég fór að ganga í morgun og vá, þegar ég kom heim eftir rúman klukkutíma þá var ég með stóra rauða bletti á lærunum. Var samt vel klædd en kuldinn, já sjö stiga frost, var það mikill að hann beit í mig. Fór í sturtu, hefði örugglega átt að bíða fyrst því það var svo sárt, en ég er búin að jafna mig núna. Það er svo spáð snjókomu á miðvikudag og fimmtudag, þannig að Inga mín, þú verður bara í startholunum.

Alex var að fara til Brussel í gær, kemur aftur á miðvikudaginn, karlanginn, að standa úti í þessum kulda allann liðlangann daginn og segja fólki fyrir verkum, ekki vildi ég vera í hans sporum. Hann er með sínar bestu hosur og úlpu og vettlinga þannig að það ætti að verða í lagi með hann.

Það er einkunnagjöf hjá Nínu á föstudag, það verður spennandi að sjá hvernig fyrsta önninn í fimmta bekk hefur komið út hjá henni. Hún er nú sjálf ekki neitt sérlega spennt, samt er þetta alltaf viðburður.

Nú að öðru leiti er ekki mikið að frétta, allt við það sama. Bið ykkur vel að lifa í bili og munið að passa ykkur á kuldabola.....