Febrúar

Þá er kominn febrúar. Þorri byrjaður og þá fer maður á þorrablót, en við ætlum ekki að fara þetta árið. Einhvernveginn vantar drifkraft í þessu, Greta, af hverju voruð þið að fara til Íslands???? Við hefðum verið góðar í að fara aftur saman. Tökum þetta á Íslandi einhverntíma.

Við erum búinn að kaupa flug til Íslands um páskana. Fljúgum 13.apríl og förum 23.apríl, ekki svo langt stopp í þetta sinn en það fer nú að styttast í að maður komi alfarið. Það verður gaman að koma, það verður árshátíð hjá hjúkkuhópnum 19. og ég hlakka mjög til að fara þangað, það er alltaf svo gaman með þessum snúllum.

Vinkona Nínu gisti í nótt og þær voru að kjafta til að ganga tvö. Ég og Alex vorum löngu sofnuð. Þær voru svo byrjaðar að spjalla saman aftur um hálf átta í morgun, ótrúlegur kraftur í þessum pæjum. Nú eru einhverjar byrjaðar að eiga kærasta í bekknum, reyndar eru sumar stelpurna á 12 ári, en vá, kyssast og leiðast!!! Það er eins gott að maður fer að hafa annað verkefni heldur en að velta sér upp úr því hvort Nína sé farin að kyssast og svona, það verður gaman fyrir Nínu þegar að því kemur. Sumar mála sig með maskara fyrir skólann. Frekar snemmt fyrir minn smekk en kannski verður maður að láta þær vita að þær megi þetta svo þær fari ekki í einhvern feluleik fyrir foreldrum sínum með þessi mál. Þetta er ansi viðkvæmur aldur og ég er oft að velta fyrir mér hvernig maður á að taka á hinum ýmsu málum sem upp koma og reyni að vera réttlát en svo þegar ég hugsa til baka þá fannst mér margt óréttlátt sem mér finnst ekki í dag. Nínu langar til dæmis í tölvu inn í herbergi sitt, það eru margir með tölvu inni í herberginu, eða í sjónvarp. Unglingsárin eru ekki auðveld, ég er þakklát fyrir að vera ekki unglingur, en eftir á er þetta yndislegur tími.

Læt þetta duga, eigið góða helgi, bestu kveðjur Helga