Frí, frí...

Það verður nú gaman að komast til Danmerkur. Vorum þar í fyrra er við kíktum til Köben og hittum Mömmu og Þórð en þau voru í viku þar með íbúð á leigu. Nú förum við hinsvegar til Árhúsa í heimsókn til Heiðrúnar og fjölskyldu. Það verður gaman að hitta þau, við hittumst seinast um páskana þegar við vorum á Íslandi. Ótrúlegt hvað tíminn líður hratt...

Ég er mjög spennt, við ætlum að kíkja í legoland og kannski eitthvað meira en við verðum svo í viku í sumarhúsi í Vellerup með mömmu, Þórði, Ömmu Lillu og Þóru systur. Það verður spennandi, við eigum eflaust eftir að kíkja til Roskille og til Köben og gera eitthvað sniðugt saman. Gaman, gaman...

Lífið gengur sinn vanagang eins og er, ég er mikið að gera ekki neitt, þ.e. húsverk og eitthvað dund en kem mér ekki í að lesa það sem ég er með á dagsránni, held ég sé bara aðeins of þreytt fyrir það. Balthasar er svo duglegur að drekka og líka á nóttunni, þarf alveg tvisvar að drekka og heldur manni þannig í léttari svefni en ella. Samt sem áður er ég búin að dreyma töluvert sem ég hef líka munað, aldrei slíku vant, man bara ekki hvenær ég dreymdi seinast og hef getað munað það þegar ég vaknaði. Það er jú sagt að mann dreymi alltaf eitthvað en muni það bara ekki alltaf. Amk var það mjög sérstakur draumur sem mig dreymdi fyrst, ég var að synda í sjó og synti einhverveginn í gegnum fljótandi kirkjugarð (sem var kominn undir sjávarmál) og gat lesið á steinana sem eru á leiðunum. Ótrúlega skrýtið og sá þar líka eitthvað fólk, held samt að ég hafi ekki þekkt neinn en mér leið vel. Komið nú með tilgátu hvað þetta geti þýtt... ég bíð spennt.

Svo dreymdi mig aftur eitthvað með vinnuna hans Alex, ég vaar eitthvað að sniglast í vinnunni hjá honum og það var bara eins og ég væri í verklegum í lífeðlisfræði hjá Prof.jóni með vöðva tilraunina! Þeir sem vita til eiga kannski eftir að fá hláturskast! En amk þá sá ég þar fullt af skópörum og meðal annars nokkur frá Alex og líka eitt frá mér sem ég tók með mér. Svo var mér mál að pissa, ég náði mér í bala og settist á hann á bak við skápahurð (eins og neðriskápar í eldhúsi) HAHAHAHAHA og ákkúrat í því augnarbliki kemur einhver samstarfsmaður Alex, sem ég hef reyndar aldrei séð í alvöru og spyr mig hvað ég sé eiginlega að gera.... og hvað haldiði að ég hafi sagt!!! HVA, HEFUR ÞÚ ALDREI SÉÐ KONU PISSA FYRR, ERTU EKKI SKÁTI EÐA HVAÐ.................HAHAHAHAHA og svo vaknaði ég!!!

Er ég nokkuð tæp?????