Grilltímabilið byrjað

Við hélum grilltímabilsopnunina hátíðlega á laugardagskvöld eftir hálfmaraþon hjá Alex. Hann stóðst það með prýði, ekki spyr maður að því. Reyndar hissa sjálfur að hann væri aðeins eftir sig! Ekki orð um það meir. Ég er mjög stolt af þessum íþróttaáhuga hjá honum og finnst gaman af því að hann keppi í hinum ýmsu keppnum, hvort sem er í hlaupi eða þríþraut. Eflaust margt verra til en þetta! Vissulega tímafrekt áhugamál en það held ég að sé nú í lagi. Ég á kannski eftir að líta þetta öðrum augum þegar ég er sjálf orðin útivinnandi aftur, hvenær sem það svo verður og með stórt heimili og svona en það er nú ekki alveg á morgun sem það gerist.

Ég var með svo mikið grillkjötsbragð í munninum að ég varð að kaupa kjöt á grillið og grilla á laugardaginn. Fékk mér meira segja áfengislausan bjór með og var í svaka fíling við að borða þennan líka yndislega mat. Svínakjöt í mareneringu, kartöflu, salat og hvítlauksbrauð, mmm I love It. Það eru margir sem grilla líka um vetrartímann, ég hugsa að mamma mín teljist til þeirra og það er bara frábært en við höfum ekki gert það, amk ekki í vetur, þrátt fyrir gasgrill. Auðvitað ekkert mál að kveikja á grillinu og skella einhverju á það en það er einhver innri hemill á mér! Skrýtið ekki satt. En núna er sumargrilltíminn amk hafinn hjá okkur, bara sumarið lætur aðeins bíða eftir sér, það er búið að rigna sl. daga af og til meira og minna þannig að það er ekki beint sumarstemming hjá manni þrátt fyrir hækkandi hitastig.

Enn bætast við óléttur í hjúkkuhópnum mínum, það er nú meira hvað við erum duglegar að fjölga mannkyninu. Við erum tólf í hóp og það er von á amk 5 börnum á þessu ári og væru fleiri með ef gætu! Geri aðrir betur....