Mikið lifandis ósköp hefur mamma verið óheppin á Ítalíu

EFtir því sem mér heyrist hefði hún frekar verið heima hjá sér, það er nú ekki oft sem maður segir svona. En hún var bitin af einhverju/m sem hefur komist langt með að narta í fótlegginn. Atli sendi mér myndir en ég treysti mér ekki til að birta þær hér. Því miður. Hún er með bit í kring um vinstra augað, það er eins og hún hafi verið kýld. Á fótleggjum eru nokkur vessandi fjólublá sár á stærð við tíkall með dökkum blettum inní, sem er vonandi bara storknað blóð. Hún fékk sýklalyf og fullt af öðrum lyfjum á Ítalíu og var bitin áfram hverja nóttina sem hún var þarna. Þannig að nýjustu bitin eru síðan í fyrrinótt. Mér lá nú ekki á sama og hvatti hana til að kíkja á sjúkrahúsið, hefði nú frekar sleppt því þar sem einhver drengur var á vakt og hafði ekki hugmynd, hann hefði nú getað gefið henni steradreypi til að létta á vanlíðaninni, en nei, við skulum fylgjast með þessu, ómægot, en asnalegt, það hefði verið betra að kíkja bara á deild og láta vana hjúkku sinna sér. Búa aðeins um þessi vessandi sár og svona, hallærislegt! Vonandi fær hún betri þjónustu í dag hjá einhverjum heilsugæslulækninum, séu þeir ekki líka allir í fríi!!! Mamma gangi þér vel í dag í læknaveseninu.