Bara rólegheit

Það væri nú lýgi ef ég segði að ég hefði ekkert að gera. Það er alltaf gott að koma heim úr fríi en því fylgir alltaf ákveðin vinna sem ég er nú búin að vera góð í að dreifa ansi mikið niður á alla daga vikunnar. Enda ekkert sem er að pressa á mig, engin ferð þessa helgina amk. Ekki nema maður fái gesti frá Danmörku, Mamma það er laust um helgina!!

Alex kemur á morgun og svo er alsherjar skemmtun í íþróttafélaginu hans á laugardaginn, mér er meira segja boðið, ég verð bara að fá að mæta aðeins seint, líka klúbbur ákkúrat á sama degi, talandi um rólegheit.

Nína hetja var að passa ein í gærkvöldi, ég þurfti að fara á námskeið og Alex ekki heima þannig að pilturinn var settur í rúmið um hálf átta og svaf meðdesamme, alveg merkilegt! En þetta er alveg yndislegt, ég segi nú bara er á meðan er ekki satt. En hann er duglegur að drekka á nóttunni þannig að þetta með að sofa heila nótt, var bara tvisvar eða eitthvað fyrir ansi mörgum vikum síðan.... Nína ætlar að fara á barnapíunámskeið sem verður haldið hér í bænum. Þeir sem taka þátt fá viðurkenningarskjal og þar sem námskeiðið er haldið er barnapíumiðlun, ég er nú ekkert á því að hún fari að passa fyrir aðra en okkur, þá gæti maður misst þessa fínu barnapössun sem við höfum og erum mjög ánægð með. Hún sem aldrei var neitt fyrir börn, bara dýr, dýr, dýr. Það getur maður ekki ímyndað sér þegar maður sér hana með bróður sinn í dag, eins og hún hafi aldrei gert annað en að passa.

Í gær var frekar stremið hjá mér því ég fór óvart í tvo leikfimistíma, einn fyrir hádegi og einn um kvöldið. Held að þetta hafi verið aðeins of mikið fyrir mjólkurbúið þannig að ég er búin að hafa Balthasar ansi mikið við brjóstið í dag. Vonandi næ ég þessu upp fyrr en síðar. Ég geri mér ekki alveg grein fyrir þessu en það hefur verið of mikið fyrir mig annars mjög rólega manneskjuna að fara í tvo tíma á sama deginum. Þetta hitti bara svo illa á með að eitt námskeiðið er að klárast og áður en það klárast byrjar næsta námskeið. Kannski allt með ráðum gert, hver veit. Já ég ætla að fara að taka mig á, komnir þrír og hálfur mánuður síðan ég átti barnið mitt og ekkert gerist í magamálunum af sjálfum sér á þessum bæ. Þýðir ekkert annað en að taka þetta föstum tökum. Ég er nú ekki að fara út í neina vitleysu, enda aldrei verið 30-60-90 og hef ekki áhuga á því, allt of mikil óþægindi sem fylgja því, er það ekki annars???? Neinei bara svona hollt aðhald, ég er hvort eð er ekki manneskjan í eitthvað virkilegt átak eins og er.

Læt þetta duga í bili, lifið heil kæru vinir nær og fjær