Fríið búið

Þetta var algjörlega æðislegur tími. Spurning hvort maður flytji bara til Danmerkur næst! Nei smá grín hér....

Ég þakka fyrir frábærar mótttökur í Lystrup, til vina okkar frá Akranesi, skólanum sem Snorri og Margrét ganga í og öllum þeim sem tóku þátt í að gera dvöl okkar svona skemmtilega eins og raun bar vitni. Við fengum að taka þátt í Skagamati og spilapartý á heimili Heiðrúnar og fjölsk. og það var bara yndislegt enda allt saman svo gott fólk og skemmtilegt. Takk fyrir, við endurtökum leikinn hér á heimili okkar þann.... n.k...... spurning um að ath með langferðabíl eins og Kristleifur sagði? Kannski að maður fari að fægja strengina á gítarnum og æfa sig aðeins!

Eftir allt of fáa en skemmtilega daga í nágrenni Aarhus fórum við til Vellerup sem er í ca 20 mín fjarlægð vestur frá Roskilde og áttum þar yndislega daga í faðmi fjölskyldunnar, Atli Þór var mættur á svæðið sem leynigestur og það var frábært. Ekki að spyrja að því að Balthasar var knúsaður fram og tilbage enda mikið sem á eftir að vinna upp! Nína var alsæl með sína vini, en það voru all margir hestar í nágreninu og hún spratt upp á morgnana og var hjá hestunum í nokkra tíma á dag að gefa þeim hlýju og næringu!

Í dag komum við svo heim, eftir langa og stranga keyrslu, það gekk rosalega vel fyrripart leiðar en þegar eftir voru um 250 km í Þýskalandi þá sagði drengurinn stopp, hingað og ekki kílómeter lengra!!! En við komumst heil á húfi heim eftir tíu klst. bílferð! TAkk 'OPel

Alex þarf svo því miður að fara á morgun til Parísar þannig að fyrsta þvottavél er komin af stað, hann kemur svo heim á föstud. þannig að við verðum bara þrjú að aðlagast eftir frí!

Ég bið að heilsa í bili og ætla aðeins að fara í sófann, þessa elsku! Góða helgi...