Samvera og dans í stofunni

Æðislegur dagur í dag. En vá hvað maður er þreyttur. Mig langaði bara svo að segja ykkur frá þessu. Í dag fórum við í 40 afmælisveislu til nágrannakonunnar og sátum við átu frá 11 til hálf fimm. Geri aðrir betur.... Nína passaði, ég veit ekki hvað við gerðum ef við ættum ekki þessa elsku til að hjálpa okkur. Við komum heim í stuttan tíma því áfram hélt fjörið. Við hjónin vorum búin að festa kaup á miða á abba sjóv en eins og margir þeir sem þekkja okkur vita er Alex algjör Abba FAN. Þessi sýning var í bænum okkar og var rosalega gaman. Við dönsuðum allan tímann og sungum með og ég er ekki frá því að maður hafi tárast, já svona er maður en það var bara svo fallegt og sorglegt þegar þau sungu The winner takes it all. Frábært lag.

Við komum svo heim, reyndar ekki seint, bara um 11 þegar allt var búið og héldum áfram að dansa við Abba í stofunni, bara tvö lög en æðislegt. Maður er orðinn svo nægjusamur í þessu lífi.

Gleðilega þriðju aðventu, við ætlum í sund í fyrramálið, Alex fer á sundæfingu og við hin þrjú förum bara með. Svo fer Alex til Bologna fram á fimmtudag.

Njótið lífsins....