Aðventukransinn tilbúinn

Haldiðið að ég hafi ekki skellt aðventukransinum á borðið í gær, flottur hjá mér í þetta sinn sem endranær. Ég er með svona þykk stór kerti í fyrst sinn og það kemur bara mjög vel út, ætla að skella inn mynd við tækifæri. Fyrsti í aðventu er næsta sunnudag, 3.des og fjórði í aðventu er aðfangadagur, 24.des....


um helgina var kveikt á ljósunum hér úti í bæ eins og víða annarsstaðar og við létum okkur ekki vanta, þar var boðið upp á Gluhwein en einhvernveginn langaði fólki frekar í kaldan bjór í 15 stiga hita! En ljósin klikkuðu ekki á því og loksins fer ég að komast í jólaskap, enda veitir ekki af, það styttist óðum til jóla.

Á föstudaginn voru hér 15 þríþrautarkappar í heimsókn hjá okkur, það var haldið upp á fæðingu Balthasars og við buðum upp á gúllassúpu og bjór og það var bara ansi góð stemming enda allt mjög skemmtilegt fólk. Hátíðin endaði þannig að Alex skellti sér á lífið með tveimur góðum félögum og kom ekki heim fyrr en um hánótt þegar húsmóðirin var sofnuð eftir að hafa sett uppþvottavélina af stað en þetta var mjög vel lukkað kvöld.

Balthasar er farin að sofa aðeins lengur í einu á nóttinni, STUNDUM.....
Hann sefur núna til ca 1 eða 1:30 og svo í nótt t.d. vaknaði hann ekki fyrr en kl.5 sem er algjör hátíð. KAnnski er grauturinn að gera sitt????

Jæja þetta er orðið ágætt, ætla nú að skella mér í Real og að fara að láta setja peru í bílinn að framan, ég ek um eineygð eins og er!!!

Lifið heil