Föt og hátíðirnar

Það var nú gaman í dag þegar ég klæddi son minn í aðra útipeysu en þær sem ég hef verið með hann í frá fæðingu. Drengurinn að nálgast fimm mánaða afmæli sitt. En það er bara eins og ég sé með Nínu litlu í fanginu þegar hann er kominn í gamla ullarpeysu sem ég því miður man ekki hver prjónaði og með prjónaða húfu sem amma Lilla gaf henni Nínu. Svo þetta hringlótta andlit, bara smellpassar við útlitið á Nínu á svipuðum aldri. Það er sama hvað sum föt eldast, þau eru alltaf jafn fín, eins og til dæmis þessar peysur sem ég er búin að grafa upp úr kössum á háaloftinu. Yndislegt, líka svo mikil sál í þeim.

Nú fer að styttast í jólin og það hefur verið mikil umræða um jólahald á okkar heimili þetta árið. Við verðum í Þýskalandi og við ætlum ekki að vera heima hjá okkur. Þetta eru amk hlutir sem eru alveg á hreinu. Við ætlum að vera á aðfangadag hjá bróður Alex og það verður sérstakt að vissu leiti en ég er mjög jákvæð og hlakka mikið til jólanna. Bræðurnir verða allir þrír saman með fjölskyldum sínum á aðfangadagskvöld og það eru tíu manneskjur í mat og drykk. Mikið fyrir suma sem eru vanir að fá sjaldan svon marga gesti í einu. Það verður farið í kirkju (við gerum það iðjulega þegar Því verður viðkomið) og svo verða opnaðir pakkarnir og svo borðað!

Nú þegar þetta er ákveðið er bara spurning með hina hátíðsdagana, til að sameina fjölskyldur allra þá á að borða brunch á veitingastað á jóladag og þá geta allir komið og enginn er í fýlu. En það er oft erfitt fyrir börn þegar foreldrar búa ekki lengur saman og vilja vitanlega bæði njóta barna sinna yfir hátíðirnar. Það er svoleiðis í okkar tilfelli en það hefur fundist príðis lausn á þessu vandamáli og eru allir sáttir. Þá geta bara komið jólin..... nei ekki alveg en ég get sagt ykkur það að það er léttir að vera komið með þetta á hreint, tala nú ekki um þegar alltaf er verið að spyrja og hvar ætlið þið svo að vera á jóladag og .....

Mér finnst skemmtilegast að vera á mínu heimili á aðfangadag við að opna gjafir og borða en fjölskyldan er það mikilvægasta sem maður á í þessu lífi að mínu mati og ég hlakka til að geta notið nærveru þeirra í meira mæli.

Góða nótt....