Akranes city og amma Lilla

Ég vil byrja á því að tilkynna það að amma Lilla á amæli í dag, það þýðir ekki að senda henni kveðjur hér því hún er ótölvuvædd. Hún er eflaust í iðjuþjálfun á Dvalarheimilinu fyrir hádegi en heima hjá sér eftir hádegi. Hún ætlar að fara að leggja land undir fót og skreppa í vikudvöl með elsta syni sínum og fjölskyldu hans og tengdaforeldrum hans til Frakklands. Hún er ekki smeyk við að skella sér til útlanda þegar að því kemur í seinni tíð. BAra gott af því að segja enda erfitt þegar maður er einn og vantar annars driffjöður til að komast af stað í heimsóknir innanbæjar og annað slíkt. Svo kemur hún eflaust til mín í heimsókn í haust, ég amk undirstakk hana með því að hún gæti nú kannski boðið Þóru með sér til að hún sé ekki ein á ferðalaginu.´Gaman að þessu öllu saman.

Svo langaði mig að fara stuttum orðum um það að Akranes er alltaf að stækka. Það er líka gott að búa á Akranesi, nálægðin í alla þjónustu og verslun er það sem Akranes hefur fram að bjóða í samanburði við Reykjavík. Fyrir utan hve góður andi er yfir bænum og gott loft! Falleg sandströnd, fagurt Akrafjallið blasir við og á góðum degi má sjá Snæfellsjökul og allt til Keflavíkur. Nýverið var verið að úthluta 61 byggingarlóð til húsabyggða en fyrir hálfu ári fengum við okkar lóð úthlutað og þá voru alls 26 aðilar sem fengu lóð. Þannig að það er aldeilis mikið í gangi á Akranesi þessa dagana. Bónus ætlar að reisa verslun og Krónan skilst mér líka. Fólksfjölgun hefur verið óvenjumikil í vetur þar sem fólksfjölgun er vanalega á sumrin. Allt þetta og meira til má lesa á www.Akranes.is Gera má ráð fyrir að fólksflutningar séu töluverðir frá Reykjavík en fasteigna og lóðaverð er ekki nærri eins hátt á Akranesi og í Reykjavík og nú er fjarlægðin ekki mikið lengri frá Akranesi en t.d. Hafnarfirði til Reykjavíkur. Margir íbúar búsettir á Akranesi sækja vinnu sína til Reykjavíkur og um ára mótin hófust strætóferðir á milli Akraness og Reykjavíkur fyrir einungis 250 krónur, í strætó fær maður skiptimiða og getur farið hvert sem hugann dreymir í Reykjavík fyrir einungis 250 krónur. Vissulega er hægt að spara með því að kaupa mánaðarkort og slíkt fari fólk með strætó til vinnu sem borgar sig örugglega. Það verður spennandi að flytja til Akraness og kynnast öllu því fólki sem er nú flutt til Akraness en það eru tíu ár síðan ég bjó seinast á Akranesi.

Þóra og Nonni eru í prófi í dag, hrrkkk tuff, tuff, tuff.....

Svo er stefnan tekin á Leipzig á sunnudag fram á miðvikudag og flug til Íslands á fimmtud. það er nóg að gera hjá manni, enda lifir maður bara einu sinni, ekki satt!