Bolla bolla

Það er bolludagur í dag. Það þarf sennilega ekki að segja neinum á Íslandi það. Bakaríin full af bollum, krakkarnir með bollu í nesti í skólanum og verið að baka bollur í heimilisfræði. Það er ekki til bolludagur hér í Þýskalandi. Ég ætla samt að baka vatnsdeigsbollur í dag og njóta þess að fá mér eina eða tvær í faðmi fjölskyldunnar þegar Alex kemur úr vinnunni. Læ hér fljóta eina ágæta uppskrift fyrir þá sem vilja reyna fyrir sér í vatnsdeigsbakstrinum.

Vatnsdeigsbollur:
125g Smjörlíki
2,5 dl vatn
125 g hveiti (þarf aðeins meira)
4 egg
Mælið og vigtið mjög nákvæmlega, setjir smjörlíki og vatn í pott og látið suðuna koma upp. Hellið hveitinu í, hrærið vel saman svo að degið safnist um sleifina. Takið pottinn af hitanum og kælið. Hrista eggin saman og bæta þeim smátt og smátt út í degið og hræra vel. Degið á að vera svo þykkt að það haldið lögun þegar því er sleppt úr skeið. Látið það með skeið á bökunarplötu (má líka sprauta því í toppa). Bakið við 200 gráður í 20-30-40 mín en athugið að það má ekki opna ofninn til að kíkja á bollurnar því þá falla þær saman!!!!!! Í ALVÖRU ÞAÐ GERIST.

Svo bara setja glassúr eða súkkulaði ofan á bolluna, þeyta rjóma setja smá jarðaberjamarmelaði útí og skella einni slettu á milli. Bíða aðeins, nei nei það má alveg borða strax.... nammi, nammi, nammi.....

Óli bróðir minn var að útskrifast úr háskólanum á laugardaginn, hann er núna uppeldis-og menntunarfræðingur B.a. og er í mastersnámi. Það var kaffiboð á Akranesi og þangað mætti stórhluti af ættinni til að fagna með honum og fjölskyldunni. Til lukku með þetta Óli minn. Stella var líka að útskrifast, hún er í hjúkkuhópnum mínum og hún var að klára ljósmóðurfræði, til hamingju Stella mín.

Við vorum með fullt hús af gestum um helgina, það var gaman. Bróðir Alex, hann MAtthias sem var veislustjóri í brúðkaupinu okkar var með eiginkonu sinni og tveimur dætrum. Við skelltum okkur til Munster á laugardeginum, hvað annað, og áttum mjög gó-ðan dag þar. Það var ískalt en svo fallegt veður. Á sunnudeginum fóru krakkarnir í sirkus og við fullorðna fólkið skelltum okkur í ísbúðina, í 2 stiga hita...... maður er ekki í lagi. Okkur varð bara svo mikið um þegar mamma sagði að það væri 16 stiga hiti á Íslandi.......