Flakkararnir í Coesfeld

Það er naumast að fjölskyldan er búin að vera á flakki. Við fórum til tengdafjölskyldunnar um helgina, þau búa nálægt Frankfurt, það var gaman að hitta alla aftur, við gistum hjá Christoph bróður Alex og heimsóttum ömmuna, afann og Alex fór á skólahátíð í Gymnasíum sem hann var í, ég var reyndar líka í þessum skóla þegar ég var skiptinemi. Það var vínsmökkun hjá pabba Alex og vorum við þar í nokkra tíma og Alex lét bragðlaukana aldeilis hafa fyrir því að smakka heilan helling af vínum, hvítvín, rauðvín, svo voru líka rósavín, freyðivín og sherrý en Alex smakkaði það ekki. Ég horfði á. En það er ekki amalegt að hafa svona vínsérfræðing sem gefur sér tíma í að útskýra vínin fyrir manni, líka sjaldan sem það gefst tækifæri til að smakka svona rosamargar mismunandi tegundir. Eftir vínsmökkunina fór Alex svo í skólann og var það voðalega gaman, bara eitt svaka reunion, fjörtíuára reunion. Hann hitti nokkra gamla félaga og kennara, mikið rætt og gaman. Á meðan vorum við í heimsókn hjá Eveline og höfðum það notarlegt.

Stubbur litli er alltaf jafn mikil dúlla, brosir framan í heiminn og er bara ánægður með lífið. Brjóstið er enn nóg fyrir hann og við erum öll sátt þannig að þetta er bara yndislegt.

Nína er líka algjör dúlla og hún er svo góð við bróður sinn, alveg erum við rosalega heppin með hana.

Í dag er frekar hráslagalegt úti, við notum samt tækifærið og förum í göngutúr á meðan Nína er í reiðtímanum. Það er langur dagur hjá Nínu í dag, enskupróf í morgun, svo reiðtími og svo fiðlutími og svo latínupróf á morgun, óóójjjjeeee enn þá er bara að spýta í hnefana og vera dugleg.