Bankalán

Það virðist sem markaðurinn hjá bönkum á Íslandi og reyndar víðar sé að springa. Það er svo mikið góðæri, enginn vill láta það fram hjá sér fara og lántaka mjög mikil. En lán er ekki bara lán. Það er að mörgu að hugsa og eins gott að fara varlega í þau mál. Einn vinur okkar á Íslandi ráðlagði okkur meira segja að fara í nokkra banka og athuga hvar væru bestu kjörin fyrir okkur! Bara láta gera okkur tilboð væri nánast hægt að segja. Svo er það nú þannig að þegar maður byggir fær maður húsnæðislán ekki fyrr en húsið er fokhelt og búið að taka það út. Þar til lánið er veitt notar maður yfirdráttarheimild með allt að 25% vöxtum!!! Vinurinn sagði að það borgaði sig frekar að gera nákvæma áætlun (sem maður er vissulega búin að gera) og fá bara lán hjá bönkum, það væru jafnvel betri kjör sem maður fengi. Bankarnir væru orðnir völdugir á fasteignamarkaði á Íslandi og meira segja á leigumarkaði líka.

Þannig að þið sjáið lesendur góðir að það er að ýmsu að huga áður en við leggjum í hann.