Ísland

Það var skrýtið í morgun að keyra Alex út á lestarstöð þar sem hann fór í lest til Amsterdam til að fljúga til Íslands. Hann verður á Íslandi í viku. Við hin erum heima á meðan. Nínu finnst þetta mjög óréttlátt, hún sagði við mig, en MAMMAAAA af hverju förum við ekki með? Og var eitt spurningarmerki í framan.

Ég er ekki frá því að þetta sé næst mikilvægasta ferð Alex til Íslands í lífi okkar. Mikilvægasta ferðin var fyrir 15 árum þegar hann kom í fjórar vikur til okkar á Reynigrundina aðeins stuttum tíma eftir að ég var komin heim eftir árs dvöl sem skiptinemi í Þýskalandi. Hver veit hvað hefði orðið hefði hann ekki komið? Ég er amk MJÖG fegin að hann skuli hafa komið og vona að þessi ferð hans núna beri álíka mikinn og góðan feng!

En það er nú skemmtilegt að hugsa svona stundum til baka. Hans minning af þessari sögulegu ferð var sú að það var gott veður á hverjum degi? Ætli hann hafi kannski ekki alveg verið á jörðinni??? En hann og Fransiska eyddu þessu líka dýra fríi í m.a. að mála húsið á Reynigrundinni, fara í partý í bústaðinn hans afa og eyða ófáum stundum á langó. En það skemmtilega við þetta er að ég var einmitt að vinna á Höfða í eldhúsinu þá, svona eru örlögin stundum. Skemmtileg tilviljun!

Góða helgi