Bara fínt

Þetta var nú meiri bömmerinn!
Ég átti nú von á góðum gestum um helgina, frá Danmörku. Heiðrún og Kristleifur með börnum ætluðu að koma til okkar og eyða helginni hjá okkur. En það kom ekki til þess því bílaleigubíllinn var of dýr. Ótrúlega leiðinlegt en við því er ekkert að gera. Við fengum nú samt góða heimsókn því hún Anna BJörk kom og eyddi helginni með okkur. Það var mjög gaman og áttum við saman góðar stundir. Takk fyrir Anna! Hún fór með mér á klúbbsfund og hafði mjög gaman af því þetta eru líka skemmtilegar konur sem hittumst í gegn um blaðaauglýsingu.

Nú en á stóru heimili er mikið að gera og það verður gott að fá mömmu og Þórð í heimsókn til að hjálpa mér. Ég stefni á að taka bækur, glös og "óþarfa" og setja það í kassa. Þá er maður amk byrjaður og búinn með slatta. Þau koma á morgun og fara aftur á föstudaginn. Þau fá svo heimsókn frá Óla og Karen um helgina, það á eftir að bráðna kortið!!!!hihihi

Ég flýg svo heim til Íslands með börnin mín þann 29.3. og þangað til er nánast hver einasti dagur skipulagður. Pakka, skemmta sér, versla, hitta fjölskyldu Alex og vini okkar. Nú og svo þarf Alex jú líka að vinna og fara að setja upp sýningarpalla hér og þar þannig að tíminn á aldeilis eftir að fljúga frá okkur.

Mig vantar enn pössun fyrir baby Balthasar tvo daga í viku, stefni á að setja auglýsingu í Póstinn en ef þið þekkið góða manneskju sem væri til í aukapening fyrir að vera með dúlluna tvo daga í viku þá endilega látið mig vita.

Læt þetta updeit nægja í bili kæru vinir og hlakka til að fá ykkur í kaffi í Jörundarholtið til að byrja með.