Happy days

Maður er á einhverju svifflugi hérna. Alveg bara merkilegt hve gaman það er að lifa. Allir vilja hitta mann, maður hefur varla nokkurn tíma til að vera sorgmæddur yfir því að kveðja alla, svo mikið er stuðið á manni.... Kannski það sé eitthvað í þessum nýja kaffipoka sem ég keypti, nei bara smá grín.....

Ég setti aftur auglýsingu í póstinn, seinasta auglýsing bar engan árangur en núna rauðglóir síminn hjá Þóru sem situr sveitt við vinnu sína..... Hver hefði átt von á þessu en það sýnir sig að textinn skiptir öllu máli.

Takk fyrir kveðjurnar og stuðninginn í sambandi við allt þetta krims krams hjá okkur, þetta er allt á svífandi sveiflu hjá okkur og ég hef ekki miklar áhyggjur af þessu, Alex hefur þá amk eitthvað fram í apríl í að pakka og taka til restina.

Við fáum aldeilis góða heimsókn síðustu helgina okkar, Þóra ætlar að koma, hún lendir í Amsterdam 22. og fer aftur heim á sunnudeginum, Mamma var að segja að þau Þórður ætla að kíkja líka frá Köben þessa helgi, æðislega gaman að fá svona góða gesti seinustu dagana sína hér úti, þá er nú ekki spurning um að fara til Munster í smá verslunarleiðangur! Næstu helgi koma Eveline og Jan í stutta helgarheimsókn og svo fer Alex núna á laugard. til Amsterdam að setja upp sýningu.... Gaman, gaman....

Haldiði að drengurinn okkar hafi ekki rifið sig upp af gólfinu og staðið upp við stofuborð á miðvikudaginn, þetta litla kríli, skil ekki hvað hann er að drífa sig, sjö og hálfs mánaða!!!! nei næstum átta.... gaman að þessu.

jæja best að skella sér í nokkrar mínútur á sófann áður en prinsinn vaknar, prinsessan er úti að safna pening fyrir fátæk börn í Afríku, alltaf jafn dugleg þessi börn manns...